La Federación
Nun son pocos los que falen de federalismu anguaño, o que pretenden falar de federalismu, porque en realidá tres esi discursu de "federales" escuéndese en realidá unitarios asustaos que ven nel federalismu, o nel so nome, más bien, una manera de calmar a los pueblos y salvar asina la unidá d'España, pero ¿ye eso federalismu acaso? Non, radicalmente non.
El federalismu básase nel principiu del pautu, de la xunión voluntaria, pero pa que se dea esa xunión voluntaria tien qu'haber elementos a xunir, tien qu'haber pueblos que, reintegrada la so soberanía, decidan llibremente y pola so propia voluntá (sorráyese esto) aceptar el pautu, un pautu qu'amás de voluntariu ye, o debiera ser, sinalagmáticu; ye dicir, que los integrantes del pactu nun puen delegar nel poder central más llibertá de la que caltienen pa si. Por embargu un estáu que dende'l poder central dea autonomía a les "rexones" como quien da caridá nun ye una federación, ye un estáu unitariu con embozu ¿Aú ta'l pautu ehí? ¿Aú'l sinalagmatismu? ¿Aú la llibertá y la voluntariedá?
El federalismu ye ascendente por propia ñatura, nun ye'l poder central el que delega nos "poderes periféricos", sinón que'l propiu poder central ye una creación de les naciones que tomen el pautu, que s'asocien col oxetu d'ayudase les unes a les otres y de beneficiase del trabayu en comuña n'aquelles materies que-yos son comunes. Nun hai una unidá de destín universal, nun hai una imposición de fronteres, la federación ye abierta y llibre a tolos pueblos porque ye una xunión espontánea. Les naciones de la península puen federase nel marcu d'España, d'Iberia, d'Europa, puen xunise unes a un marcu y otres a otru, puen facer lo qu'estimen afayadizo dende la so soberanía, porque la Federación ye énte too l'epítome de la llibertá y la fraternidá.
Yo soi federal porque creo que la unión fai la fuercia, porque nun mundiu cada vegada más inter-conectáu les naciones pequeñes han de federase pa resistir los ataques del imperialismu y del globalismu supremacista y porque creo na fraternidá universal; pero sobremanera soi federal porque acepto'l pautu sinalagmáticu, conmutativu y billateral. Si nun s'acepta'l pautu nun hai federales, solo unitarios d'incógnitu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo