Los enseños de Fidel Castro
Amuésense los analistes deceicionaos tres el discursu de Putin na Plaza Roxa. Nun declaró la movilización xeneral nin tampocu anunció la finalización de la operación especial n’Ucrania, lo que-yos lleva al erru de calificalu como insustancial. Crasu erru, erru de bultu, desliz monumental. Tan monumental como l’anunciu fechu por Vladimir nesi aparente espiche insustancial.
La proclama del inquilín del Kremlin ye que la patria ta en peligru porque ta baxo asediu de la OTAN y Occidente, que quieren acabar con una Rusia que tien que facer frente ella sola a los nazistes nuevos que s’amuesen con descaru n’Ucrania, pero que tamién confabulen escontra ellos dende los gobiernos otanianos. Nada más y nada menos.
Con una premisa similar, l’afortunadamente desapaecíu Fidel Castro logró caltener un Estáu de semiesclavitú na so finca cubana, esto ye, tola islla caribeña, mientres más de sesenta años. Una encomienda continuada pol so hermanu Raúl cuando les meninxes de Fidel entamaron a fallar y qu’anguaño, con 91 años, tien como vicariu a un desvaídu Díaz Canel, encargáu de facer como que dirixe’l país.
Con esa menacia d’invasión yanqui, que nin ellos mesmos se creen, los Castro tienen llograo piesllar la islla como una cárcel acuática de la que s’escapen los que pueden, xeneralmente los más valientes y preparaos, y na que queden los sos adoctrinaos partidarios sobreviviendo ente escaseces y fame mientes son lobotomizaos por una permanente y opresiva comunicación d’Estáu, y calteníos a distancia d’internet mediante controles téunicos y precios abusivos.
Ye un poco lo que pretende Vladimir pa la so querida Rusia, na que yá anteriormente denunció la esistencia d’enemigos internos, como los gusanos de Fidel, y na que tamién, dende que s’escomencipió la invasión d’Ucrania, son millones los rusos, especialmente mozos con bones destreces formatives, los que tienen manifestao la so opinión al respeutu tomando’l camín del autoexiliu, una constante rusa dende los tiempos de los Romanov.
Va venir, yá tán nello, el control refechu de los medios de comunicación, sobro cualquier soporte, de forma que’l rusu d’a pie viva col imaxinariu que’l réxime autocráticu de Putin quiera que tenga; con un estándar de vida cada vegada más míseru, tanto nos medios de vida como no moral. Na mesma forma como los Castro tienen abrasao la vida de los sos conciudadanos, y de la mesma manera que los imitadores de Fidel -Maduro en Venezuela, Ortega en Nicaragua- caltienen na opresión y la miseria a los sos propios pueblos.
Eso mos tien contao güei Vladimir Putin.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo