La to llingua, la to vida
Cuando nacemos facémoslo nuna llingua. Dende bien rapacinos, en casa, vivimos nuna llingua y unes costumes acordies con ella. Esto ye, un mou de vida que nos fai ser quien somos. Con él vienen unes tradiciones que van moldear la persona que yes. Pero ¿qué persona yes? ¿Quién te fai ser como yes? La to mente ye la que te crea: piensa, decide, analiza l'entornu y toa esa información que recueye mándala al restu'l cuerpu. Esa información ta nel to linguaxe maternu y siguirá siendo asina hasta'l día que muerras. Por munches llingües qu'aprendas (algo que taría perbién), la to llingua materna será parte tuya, ella ye la to alma. Si te la quiten, si desapaez la to llingua darréu, desapaeces tu. Poder pues sobrevivir con otres llingües deprendíes, pero enxamás podrás "vivir" porque nun serás más que la solombra de la persona que fuisti. Faltaráte l'arma más emotiva: la pallabra, que non la "palabra" o "the word".
Si quies siguir siendo la que yes, si quies siguir teniendo alma, tienes que cuidar la to llingua materna, y la meyor forma facelo ye falala. Asina de cenciello. Pa qu'una llingua nun muerra, tien que falala muncha xente, y falala ensin complexos. Fala y escribi na to llingua a teyavana, bien arguyosa, y el que nun tea a gustu que se ponga, porque esa que fala yes "tu". La que fala otres llingües ye una versión tuya, una foto pixelada d'un diccionariu. "Tu" yes el diccionariu orixinal, un pallabreru arguyosu y trabayáu.
Falar toos la mesma llingua sedría fácil pa comunicase, magar qu'un mundu que falare igual sedría mui monótonu y feu; sedría un mundu ensin indentidá ni llibertá, y esos son los pegollos más básicos de la vida del home.
Tu decides quién quies ser: el diccionariu que toos almiren o la foto pixelada que nunca van publicar y que ye la primer foto que toos desechen. Nun fai falta que digas nada, la llingua na que fales sedrá la que respuenda por ti.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo