La vida dun guardia civil
Nun conozo la so edá, tampocu si tien muyer o fios, nin siquier el so nome, pos la noticia, aínda na so fase d’entamu como productu económicu del mercáu de la comunicación, nun llegó a esa fase de la esplotación; namái sé que ye’l xefe de la UEI, la Unidá especial d'intervención de la Guardia Civil.
Ye esa unidá, la UEI, tan especial y profesional que casi nun se sabe un res d’ella pos la reserva ye una de les sos característiques, xunto cola profesionalidá al nivel máximu y el riesgu. Esti caberu, el riesgu, xeneralmente cola integridá personal como apueste final, como tien asocedío güei, cuando se cumplen, casi cómo a escondíes, 25 años de la lliberación d'Ortega Lara, tres 524 díes de cautiveriu aborrecible nun zulu inhumanu, ye siempres superlativu.
La UEI actúa en situaciones de peligrosidá especial, como la de güei, con secuestru de persones ya individuu armáu que yá asesinara previamente. El so xefe, un teniente coronel, nun sólo mandaba, tamién daba exemplu al frente de los sos subordinaos, y fo ehí, nos anicios d’una operación qu’entá nun ta rematada cuando esto escribo, que recibió un disparu na tiesta que, probablemente, va dexar la so humanidá abondo malparada. “La Guardia Civil va ser un bon presaxu pal aflixíu” diz la Cartilla del Cuerpu, asina fo siempres y asina sigue siendo.
Ye esta Guardia Civil la mesma que sigue mal pagada si la comparamos con Policía nacional, o policíes autonómiques, o municipales; la que tien visto como, por caltenese firme énte les inxerencies del poder executivu en acabamientu de la Llei y la Xusticia, tien comprobao como oficiales de la talla del coronel Corbí o el coronel Pérez de los Cobos yeren apartaos de los sos puestos; ye la mesma que dende 1844 sigue sacrificando la so vida personal, y en parte la de les sos families, ensin que la noticia desta operación cabera dé p’abrir les noticies de los informativos. Ye lo qu’hai.
Tamos nel día primer de vacaciones estivales pa munchos de los nuesos conciudadanos y supongo que, una vegada más, qu’un guardia civil se dexe la piel nel cumplimientu del so deber ye dalgo que, pa la mayoría del personal, nun reviste mayor importancia. Güei toca otra vegada preocupase pola ración de gambes viniente y que caún peche colo de so, pero a min, otra vegada, tranquilízame pensar que la Guardia Civil sigue siendo la de siempres, la que ta dispuesta a llevar hasta’l final la divisa que rescampla sobro la puerte de los sos cuarteles, a dalo “todo por la patria”.
Gracies, mi teniente coronel.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo