El bisturín social de Vladimir Putin
En menos d'una selmana yá se van viendo delles realidaes tocantes la movilización decretada pol zar de toles Rusies. Yá aportaron dalgunos de los primeros desgraciaos a les unidaes del frente, tres recibir dalguna teórica nos autobuses que los llevaben, lo que confirmaría que Putin busca frenar temporalmente la ofensiva ucraniana a base de reponer les baxes nes unidaes de primer llínea con esta carne de cañón recién unviada dende los requexos más estremaos de la Federación Rusa. Trátase de ganar tiempu hasta que los llovios de la seronda y depués la nieve camuden la campaña anguaño nuna guerra de posiciones lo que, según dalgunos, daría tiempu a los rusos pa reponer materiales y adiestrar les unidaes nes táctiques de combate nueves, anque pa otros, la reposición de materiales sedría imposible coles sanciones occidentales, y el cambéu de mentalidá militar lleva años y ye imposible d'algamar nel pasu d'una estación.
Na mio opinión, Putin ta metanes un atolladoriu grave. Nel planu internu son evidentes les presiones que recibe del llau más radical del so aparatu, col expresidente Medvedev como esponente más vultable. La opinión pública paez tar expresando la so opinión al respectu colos 250.000 rusos n'edá militar que tienen abandonao'l país garrándose a cualquier mediu al so algame; y nun paez que les manifestaciones, incendios de centros de reclutamientu y atentaos a reclutadores abarrunten que'l asuntu vaya a meyorar, sacantes qu'empleguen una represión radical al estilu de lo que vemos n'Irán.
Nel esterior pudimos ver na cume de Samarcanda cómo Xi Jinping lu acoyía con friura; l'indiu Modi reprochábalu públicamente, y el restu de líderes facíenlu esperar nes sos cites bilaterales. Putin ta solu, anque esto nun asegura que la guerra poro va ser más curtia. Namái un esbarrumbamientu del sistema políticu rusu podría algamar nesti momenu la fin de la guerra. Y mentantu asistimos a una peñerada social auténtica con tintes de llimpieza étnica.
El confusu decretu de movilización ta dando a los gobernadores rexonales la capacidá p'actuar impunemente y los datos qu'aporten amuesen que nun se respeten n'absoluto los criterios anunciaos. Los deteníos nes manifestaciones n'edá militar son unviaos al frente; les rexones con minoríes étniques son especialmente reclutaes, como los casos de Buriatia, Yakutia o Daguestán, con tases del 3% mentes en San Petersburgo y Moscú nun s'algama'l 0,5%.
Los tártaros de Crimea, auténticos amos d'esa rexón, quienes "acordaron" entrar nel Imperiu rusu con Potemkin, foron deportaos en masa a Siberia por Stalin, nun permitiendo-yos tornar a dalgunos sobrevivientes hasta 1986; votantes en masa pola independencia ucraniana nel 91, agora Putin castígalos con una movilización especial y masiva pa dir morrer nos frentes ucranianos, au va desapaecer munchos de los opositores del réxime. Ye lo qu'hai.
Raúl Suevos
Gijón
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo