Ribadeva, un conceju del Deva
Ello qu'el valle o conceju de Ribadedeva, llamáu tamién por los sus vecinos Ribadeva, tien pueblos y pueblucos que tán ente la mar y el monte; vo jablar un poquitín d'ellos y de las sus costumbres nel modu como parlaban los antiguos que vivían allí, que tien pocas estremezas con otras jablas como las de Llanes, Cabrales, Peñamellera o el poniente de Cantabria.
Esos sitios -que, amás, tienen muchos barrios- son Andinas, Boquerizu (el nombre antigu d'esti pueblu e Porquerizu), Bustio (el más marineru), Colombres (col barriu d'EI Peral y otros), La Franca, Pimiango (o Pimiangu, como se sintía tamié), Noriega (con muchos barrios, el más nombráu el de Bojes), Vilde (col barriu de La Jaya; El Haya e un topónimu finu que no e el de verdá, el de la gente del pueblu) y Villanueva.
Las costumbres de Ribadeva son, como el modu parlar, mui apaecías a las de los pueblos llaniscos: la gente del valle, va tiempu, cuntaba cuentos de cuélebres, anjanas, ojáncanos, diablos... Y las juentes enramábanse a la tarduca del día San Juan; amás, los mozos enramaban las casas de las mozas que lis gustaban.
El víspera la función del pueblu plantábase una joguera (un árbol), y otras veces ello jacíase tamién pa emponderar a indianos. Otras costumbres son tocar ramos, las deshojas o escapullas, beber sidra, las magostas pa comer castañas, los aguinaldos y I'antroxu (nesta palabra la gente del valle sí usaba la equis asturiana, gallega y castellana antigua; otras palabras de Ribadedeva pa esta costumbre son antroíu, antruidu y antruíu).
La jabla y las costumbres de Ribadeva, más la jabla que las costumbres -tovía se tocan ramos y se pinan jogueras-, tán quitándose, pos la gente ya casi no parla como parlaban los hombres y las mujeres d'antiguamente. Pero la cultura d'un pueblu, pa ser la su cultura, tien qu'usar las palabras que nel llugar valían pa llamar a los animales, a las cosas del campu, a las frutas, a los árboles, a la gente, a los sitios, a lo que se diz o se piensa... a tou. Lo mesmu digo pa Llanes y pa otros muchos conceyos d'Asturias, Cantabria y Llelón (nombre antigu de León).
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo