Que vuelvan los nenos a casa
La guerra d’Ucrania, posiblemente, nun tenga munches diferencies cola mayoría les guerres. Toes son terribles ya inxustificables.
Lo que paecía diba ser una acción de demostración de fuerza per una parte y de valentía y determín per otra tresformose en namás que una auténtica llocura.
Un xuéu macabru nel que dos mandatarios enfotaos nes sos idees con razón o ensin ella xueguen a la guerra como si fuere un entretenimientu.
Un entretenimientu nel que les dos partes defienden una nación, una patria, unos ideales, un negociu, la llibertá... quesió, pero a base de la muerte y el sufrimientu inmensu de cientos de miles de nenos y neñes arrancaos de les sos families pa ser llevaos a un frente onde tienen que buscar a otros nenos y neñes pa matase ente ellos.
Como pa, con fíos nesa edá de ser llamaos a files pa dir a una guerra, respigo enteru al ver la carina de guajes de venti y pocos años sacaos d’una vida normal coles sos families y llevaos a un mataderu onde ellos son los animales a sacrificar.
Tola vida pa criar unos neninos a los que disti tol ciñu que teníes, tantes hores d’alegria, de caricies, cancionines cantaes al so oyíu para que duerman o dexen de berrar cuando teníen dolor de barriga. Mas de venti años de vida intensa intentando que encarrilen la so vida, que estudien, que seyan bones persones, que seyan felices, pa tener que entregalos y sacrificalos d’esa manera. Imaxino el dolor intenso d’esos padres nesi momentu y nun soi a contener una llárima
Pué ser que nun seya a entender bien la llucha por una nación, tampoco nun soi nacionalista o que nun seya a entender los intríngulis de la política internacional y la política de bloques mundial, lo único que sé ye que sacar de los sos llares a nenos, guajes, rapacinos pa llevalos a sufrir una llerza indecible y matar o morrer nun lo xustifico con nada
Que vaya a lluchar el que crea o vaya beneficiase d’ello, entós veríamos realmente cuántos creen o tienen interés y colos sos dirixentes al frente a ver si yeren tan valientes o pensábenlo un poco más.
¿Qué pasaría si un día coláremos a la cai munchos pidiendo la vuelta de los nenos a casa?
Bueno, insisto... ¡Que vuelvan los nenos a casa!
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo