Orxenomescos y mariniegos
Ello qu'el profesor Xaverio Ballester alcontró (y sacó en 2002 na revista "Palaeohispanica") rasgos que no eran indouropeos en nombres de pueblos, presonas, sitios y dioses ástures y cántabros calteníos en llábanas y llibros de va dos milenios.
Unu d'ellos e el grupu consonánticu -sc- n'orgenomescos (que n'asturianu hoi diríase 'orxenomescos'), el nombre d'una tribu que vivía al saliente del ríu Sella (o Seya), grupu qu'apaez más d'una vez en bases etnonímicas n'ibéricu pero no na so versión llatina o griega: -(s)ken [¿un xenitivu plural?], relación que pame se podría aplicar tamién, ente otros, al nombre mesmu de "vascones".
Pienso que la raíz org- podría enrestrase col sardu "orga", "orghe" (poza pa nadar, surtidor, juente), con Urtx, un pueblu de Xerona con una juente nombrada y escritu Urgi en tiempu medieval, y con dellos ríos Org- en Francia y Italia.
Orgenomesci sería entós un xentiliciu sacáu de la mar, asemeyáu a como los de Cabrales (y pue que los de Peñamellera tamién) llaman hoi a los de Llanes: mariniegos. Llámanlo tamién a los vecines d'un pueblu como El Mazucu, que ta metíu nel monte pero que pertenez al conceyu de Llanes.
Esto que digo e conxetural, claru, pero elo muchu más la explicación céltica corriente que mos llama "embriagaos na matanza".
Ramón Sordo Sotres
Llanes
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo