El debate sobre la función pública n´Asturies
COFPA convida a un discutiniu públicu a Migoya y a Iglesias sobre la función pública n’Asturies. El Conceyu Por Otra Función Pública n’Asturies, en viendo tolo que ta apaeciendo en LA NUEVA ESPAÑA sobre los problemes de la función pública n’Asturies; en viendo les declaraciones de la cabezalera de la Consejería d’Alministraciones Públiques y voz del Gobiernu, señora Migoya, ya el silenciu (que yá asordez) del señor Iglesias ente les declaraciones de xuristes y caderalgos de derechu feches dempués de lleer un anteproyeutu de llei de la función pública nel que’l P(so)E ya IX faen rescamplar el so nulo respeutu polos principios de méritu y capacidá ya poles sentencies de los nuestros Xulgaos y Tribunales del orde contenciosu-alministrativu; en viendo l’interés que too esto llevanta (declaraciones, cartes, comentarios en LA NUEVA ESPAÑA dixital); asina como en oyendo les declaraciones de Javier Fernández, funcionariu y candidatu a la Presidencia del Principáu d’Asturies, qu’asoleyó esti periódicu el sábadu pasáu, onde paez contradicir a la señora Migoya; en viendo too esto, col envís de que la ciudadanía puea esclariase nes cuestiones tocantes a la necesidá de tener una función pública profesional, convida a la señora Migoya y al señor Iglesias a caltener un debate públicu sobre’l conteníu del dichu anteproyeutu. Y si esti diariu quier acoyelu, meyor que meyor.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo