El "¡Hola!" y el tercermundismu asturianu
La muyer ta que trina. Ella nun suel mercar la reina de les revistes del corazón, nin dala otra; quitando cuando se trata de bodorrios reales, que nel so casu entaina a algamar un exemplar pa la so coleición particular. Ye cosa de tradición familiar según me cuenta.
El casu ye que la boda de moda, la de la influencer Tamara, nun entraba neel rangu de la realeza pero, si tomamos la so condición de marquesa, y la trescendencia mundial de la so familia en xeneral y dalgún de los sos medio xermanos en particular, l’asuntu contaba con rasgos abondo como pa introducir nel apartáu colectible al exemplar de “¡Hola!” que güei aportaba a los kioscos.
Pero non. A Xixón nun llegó’l “¡Hola!”, y eso magar que, según me cuenta la muyer, dada la repercusión del asuntu, esta selmana editarase en tres ciudaes a la vegada pa asina alixerar la buelga loxística que, dende Madrid, sedría muncho más gruesa y de difícil xestión. Y eso fo indignante, a lo menos pa la mio costiella.
Yo traté de esplica-y la situación dende’l puntu de vista xeográficu, orográficu y comunicacional. Anque nun sé yo si serviría p’aplacala. Conté-y que, per avión, dende Madrid costaría una millonada puestu qu’Iberia aprovecha la so condición cuasi oligopólica pa poner unos precios al viaxe que haríen que la revista resultara prohibitiva. Tampocu diba servir el tren, qu’entá sigue pela Rampa de Payares y nunca se sabe si un argayu la puede cortar de forma inopinada, teniendo que pasar carga y pasaxeros a otru mediu de circunstancies, como puede ser un autobús, que puede atopar niebla, o un accidente que lu bloquee. Nun ye facil asunto. Non hasta que la Variante tea abierta, asuntu vieyu de veinte años y qu’ainda nun tien fecha segura, por más que les eleiciones animen a dalgún a aventurarse col calendariu.
Podíen unviála en camión, pero si usen el Negrón, rápidu y seguru, tamién puede afeutar al preciu, a lo menos si lo fai colos asturianos, los d’anguaño y los del futuru. Anque siempres yos queda la solución santanderina p’aforrase’l peaxe, pues ellos cuenten con autovía pa subir a la meseta, gratuita entá anque tea yá baxo menacia.
Podríemos esperar a la versión inglesa del “Hellow!” si tuviéramos la Autopista del Mar, en dique secu va yá dellos años, pero esta venía de Francia, au nun editen el “¡Hola!”. Anque lo meyor ye resignase y esperar, qu’a la fina siempres llega, si bien con retrasu, y recordándonos a los asturianos que somos una rexón de segunda categoría, y lo que mos queda.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo