¿Por qué la llingua asturiana tien la culpa de too?
Acabo de lleer una carta, que m'interesaba por tratar de «la odisea de los opositores», ente los que m'alcuentro. Nella, el pá d'un opositor cuenta les dificultaes del so fíu pa opositar. Cuála ye la mio sorpresa cuando afirma que'l so fíu nun tien plaza, pero «sí la tienen muchos profesores de bable, un lenguaje de aldeanos que sólo sirve para que los alumnos acaben expresándose mal en castellano, usando un léxico y unas estructuras empleados hace muchos años en aldeas asturianas. Un lenguaje que hoy nadie habla, incluidos los promotores de la oficialidad, que cuando salen en televisión lo único que dicen, si se acuerdan, es «ye» o alguna otra palabra acabada en la letra «u.» P'acabar la carta diz: «Esto, con Franco, no ocurría».
Ante tal desfachatez ya ignorancia, nun sé cuála de toles barbaridaes que diz m'ofende más. Soi profesora de Secundaria de Llingua Asturiana, pero nun tengo plaza, nengún profesor d'Asturianu la tien, porque nun hai oposiciones d'esta especialidá y somos toos interinos. L'asturianu nun ye un llinguax d'aldeanos que yá nun se fala, tuvi y tengo alumnos que lu utilicen como llingua materna y nun son aldeanos, unos yeren del conceyu d'Ayer y agora toi en Llaviana. Pa mi tamién ye la llingua materna y nun me crié nuna aldea, sinón en L'Entregu. La enseñanza del asturianu sirve pa lo contrario de lo que diz esi señor, consigues que los alumnos diferencien una llingua de la otra. Yo tamién oposité esti branu pa Lengua Castellana y aprobé, pero nun tuvi plaza, como munchos otros opositores. Por último, esi señor califícase a sí mesmu y dexa clara la so falta de tolerancia ante la diversidá llingüística cola afirmación na que s'alcuerda d'un dictador.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo