Franco, esi paisanu
Esi yera'l títulu d'una película documental que Xosé Luis Sáenz de Heredia realizó nel 1964 con ocasión de cumplise 25 años de la fin de la nuesa Guerra Incivil. El direutor, al paecer, un de los grandes d'aquel entóncenes, yá tenía realizao "Raza", una película d'esaltación nacional que tenía como guionista al propiu Franco, y según investigaciones posteriores, contaba con dirixir, posteriormente, otru documental dando cuenta de los años caberos del xeneral Franco.
La que mos ocupa tevo como mentores al aparatu dirixente del Ministeriu d'Información, dirixíu por don Manuel Fraga, que, anque dalgunos-yos cueste creélo, aportara al puestu con fama d'aperturista, y que la so mano s'atopaba detrás del indulxente tratamientu que les dreches republicanes recibieron nel documental, dalgo que foi mui criticao polos cuadros más inmovilistes y tradicionales del réxime. Ye lo qu'hai.
El casu ye que, como tolos mortales, el xeneral morrió, de vieyu, anque non pacetiblemente; y, anque anguaño tantu los sos siguidores del 36 como los sos antagonistes tán toos desapaecíos, sigue siendo bandiera de dalgunos, anque non, como pudiera pensase, d'aquellos teóricamente más allegaos col so pensamientu. Si bien, siendo gallegu, ye difícil que naide lu conociera verdaderamente.
Lleis de Memoria hestórica enantes, y democrática dempués, y magar los votos algamaos nel Congresu, paecen más un actu de revanchismu que non un exerciciu cabal de llimpieza y compensación moral a los que, naquella dómina desdichada, sufrieron violencies, persecución o cualquiera otra aición negativa en razón de les sos idees polítiques; sobremanera porque namái se contempla ún de los bandos implicaos.
Ye chocante, y paez dir pareyu cola esqualidez de la nuesa clas política, toa ella, que les andanaes sucesives amparaes neses lleis coincidan siempres con periodos eleutorales, y ye que, énte la falta d'una aición política correuta, con oxetivos que s'empobinen a meyorar la situación de la ciudadanía como individuos, y de la nación como ente internacional, siempres cae bien tener a manu unos güesos, anque pel momentu seyan anónimos, p'allevantar, una vegada más, esa bandiera del antifranquismu, aneya yá de más d'ochenta años, pero que sirve pa distrayer de la problemática cotidiana, y de los cientos d'asesinatos recientes nel País Vascu aínda por resolver, y au ye probable que ganen les eleiciones vinientes los heriedes de los victimarios d'ETA, blanquexaos pol nuesu Gobiernu anguaño.
El paripé, nun merez otru nome, que'l nuesu presidente del Gobierno mos regaló'l xueves nel Valle de los Cayíos nun tien como oxetivu la dignidá de los muertos sinon la distracción de los votantes d'otres noticias más dañines pa él y el so partíu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo