Agradecimientu a LA NUEVA ESPAÑA
Quiero agradece-y a la editorial de LA NUEVA ESPAÑA la cobertura que tuvo pa col Día de les Lletres Asturianes; presta ver a los medios de comunicación asturianos ocupándose d'Asturies.
Tamién quiero agradece-y la publicación de l'artículu de la portavoz de Vox nel que, entitulándolo "Frente a la oficialidad, libertad", argumentaba, cómo non, en contra de la oficialidá y la defensa de l'asturianu. Ye bueno que los ciudadanos conozan a los sos políticos y sepan cuál ye'l so ideariu ya intereses.
L'asturianu, como cualisquier llingua, tien de tener unos derechos reconocíos y como parte de la nuestra cultura tener un sofitu por parte de l'alministración pública.
La cultura asturiana ye parte esencial de la española y ye imposible defender España y la so manera de ser ensin tener en cuenta les sos particularidaes. Nun soi a entender la so postura de dir en contra de les cultures d'España argumentando a la vez que defienden España. La grandeza d'esti país ye la so diversidá, cola que ustedes quieren acabar. Usté ye representante d'Asturies, el so deber ye defender, cuidar y querer lo suyo, lo más cercano, pero en cuenta d'eso argumenta la defensa d'una España inventada, nacionalista, de plásticu, insípida. Déxense yá de tanto nacionalismu baratu y trabayen pola cultura y los ciudadanos d'Asturies, que pa eso cobren los sueldos de los mios impuestos que tantes veces nun se ganen.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo