El Barça y España
Confieso d'entrada'l mio escasu interés pol deporte del fútbol, anque al tiempu reconozo que yá va abondo tiempu qu'atalanté que la inorancia n'asuntu talu dexábame fuera de gran parte de les conversaciones desendolcaes por varones españoles. Agora, tiempu nel que la muyer también tien entrao nesi contuberniu, paez que les coses del país siguen más o menos igual: fútbol y política, nun hai más.
Con eses premises sigo l'actualidá del fútbol con ciertu distanciamientu que me permite escapar de les pasiones qu'ello suscita; y cola política intento, seguramente con menos ésitu, siguir la mesma conducta. D'ehí que les vicisitúes del Barça m'interesen vivamente, y reparo que, dende la primer presidencia del señor Laporta, les coses van de mal en peor nesa casa, casi a la par que la política catalana, con presidentes encarcelaos o imputaos, intervenciones intempestives de los mossos d'esquadra, y, lóxicamente, una actuación ca vegada más deficiente del equipu de fútbol no nacional y lo internacional.
Nesa política populista llevada a cabu pelos dirixentes d'esa casa, la contratación de Xavi, gran figura del fútbol nacional y del club, como entrenador guetaba repitir l'induldable ésitu que supunxo la llegada de Guardiola al banquillu; pero que la situación seya similar nun asegura que, con persones estremaes, el resultáu tamién lo seya; y el probe Xavi, con llimitaciones nidies nel so desempeñu como entrenador, tien dío, tres una lliga abandonada nel camín polos sos contrincantes l'añu caberu, de mal en pior, hasta'l puntu de declarar va yá dellos meses, nun xestu inéditu, que dexaría'l banquillu a la fin de temporada, pa plasmu del mundiu del fútbol.
Tiempu dempués, y con más penalidaes que satisfaiciones, sosprendió al país col anunciu de que va siguir al frente del banquillu barcelonista, sacrificando la so pallabra en beneficiu y a petición de la dirixencia blaugrana; dalgo que, ye de suponer, va agradecer la so afición, y dicen que tamién la de los sos históricos contrincantes.
Como l'universu ye entrópicu, quisieron los hados que'l nuesu presidente, el doctor Sánchez, conocíu polos so xestos efectistas y rompedores, anunciara que se tomaba cinco díes de meditación trescendental pa decidir qué fae cola so vida, y, de pasu, la de los españoles, dalgo que comunicó'l llunes viniente, pos nello entraben ciertes insinuaciones dimisionaries. Una situación novedosa pa España, y tamién pa Europa, que mos tuvo en vilu a toos hasta esi momentu.
Estos diis, cola campaña catalana en marcha, y viendo a Xavi, a mí dame que tamos, una vegada más, énte un histrionismu más del doctor Sánchez. Ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo