Emburriando pola cultura de defensa
Apoteosis patriota, a lo menos eso ye lo qu'a primer vista paecía la enllena fachada marítima xixonesa nel día d'ayeri, anque con ausencia llamativa de bandieres d'España, ye lo qu'hai. Día de les Fuercies Armaes, brazu armáu de la nación, que nesti benditu 2024 tien decidío trayer la so presencia física a la nuesa Asturies. Ayeri en Xixón y güei n'Uviéu; ayeri con revista naval y desfile aereu, más eshibiciones dinámiques na sablera de San Lorenzo; y güei na capital del Principáu con desfile militar, too ello con esposiciones na capital y visites a buques nel Musel. Una selmana casi completa. Un emburrión a la cultura de defensa, tan necesitada ella.
En Xixón, presidíu por So Maxestá, y pa plasmu de grandes y pequeños, especialmente los neños, que nun van sofrir dalu trauma infantil poro, esfrutamos de la presencia masiva del portaaeronaves "Xuan Carlos I", buque insignia de la nuesa Armada, con hermanos construyíos pa otres flotes allende los mares, como otros proyeutos de la nuesa industria naval, que sigue dando grandes satisfacciones en cuantu a teunoloxía y retornos pal país.
Tamién esfrutamos del vuelu estáticu del Harrier, anguaño casi al final de la so vida útil. Tamién el Airbus 400, xoya de l'aeronáutica europea y soporte básicu de la nuesa proyeición esterior, al qu'acompañaba l'Eurofighter, otru exemplu de la cooperación europea en Defensa. Y ye que los tiempos son los que son.
La ciudadanía debe saber, y daquién-ylo tien que dicir, que son tiempos difíciles, que, más allá de Gaza, la Rusia de Putin, autocrática ella, invade una democracia, Ucrania, y qu'Europa, ensin entrar nel militarismu, debe tomar conciencia de cuála ye la situación. Con unos Estaos Xuníos pendientes de China, y deseyosos de desenganchase d'Europa, y el tiempu de la Europa de la Defensa.
Ayeri, nel primer debate electoral européu, Ursula von der Leyen, previsiblemente prósima presidenta de la Comisión Europea, falaba de la necesidá d'habilitar fondos europeos pa financiar el desendolcu de la Defensa europea, y la creación d'un Conseyu européu de Defensa. Y ye que lo d'Ucrania y la medrana a la llegada de Trump camudáronlo too.
N'Asturies, con 2.500 emplegos nel sector defensa y un 15% del PIB rexonal; con un puxante "Asturias Hub Defensa", tenemos que ser conscientes de les nueses posibilidaes, ciudadanía ya instituciones. Con un sector teunolóxicu d'altu valor añadíu nel qu'ayuntamientos, Xixón nesti casu, Universidá, Principáu y empresariao deben emburriar pa qu'esti Día de las FAS nun se quede namái nuna oportunidá pa chigreros y signifique una puerta al futuru y al emplegu cualificáu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo