El tío Gregorio, de Caín
Ello que Gregorio Pérez Demaría era un pastor nacíu en 1853 del pueblín lleonés de Caín, onde morrió en 1913; el 5 d’agostu de 1904 subió el primeru al Picu Urriellu, con Pedro Pidal, y los dos son mui nombraos por esta jazaña.
En Caín llamában-y el tío Gregorio y paez que también el Atrevido, pero no el Cainejo, un malnombre mui usáu hoy cuando se jabla d’elli.
Esto tien que vinir de que n’Asturias llámase “cainexos” a los de Caín (en Valdeón la palabra pa ello é “caínes”); entós el Cainejo será una traducción de Cainexu, pero al pasala del asturianu al castellanu gana un matiz despectivu que no tien o tien pocu nel orixinal. Dexemos ya d’usar el llamatu Cainejo y parllemos de Gregorio, Gregorio Pérez, Gregorio Pérez Demaría o el tío Gregorio.
Gregorio joi tamién el primeru que subió a Torre Santa dempués d’una cuadriella francoespañola; o Peña Santa, que nos seis pueblos de Valdeón, el conceyu onde ta, lláman-y de los dos modos, tan y mientras qu’en Caín y Santa Marina, las otras dos aldeas del municipiu de Posada de Valdeón, é Peña Santa solu.
Atrevido (“atrevíu” en Cabrales y Llanes), no quier dicir que se meta en sitios malos sin tener miedu, sino qu’esguila mui bien.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo