El mundiu de Sofía
Los títulos, a vegaes, lleven a engañu. Nesti casu daquien pue creyer que toi pensando nel mundiu nel que la Infanta se desendolca nel so colexu nel extranxeru, o'l más arrequexaú y conspicuu de la so egrexa güela, que tampocu, porque nesta oportunidá'l referente ye un pernomáu llibru d'autor noruegu, Jostein Gaarder, que monta una trama novelesca lixera pa, pente medies d'ella, averar la filosofía occidental a los adolescentes del so país.
L'oxetivu fracasó, pues nun foron los adolescentes los sos lectores sinon los adultos de más de sesenta países quienes abrazaron la estoria, na qu'un comandante de los cascos azules noruegos esplegaos nel Llíbanu cumplía un papel de conector de rellatos al traviés de les sos cartes. Y ye ehí, nel país de los cedros, u tornamos a tar, anque nesta ocasión nun son los noruegos sinon los españoles los protagonistes.
Y ye que, tres abandonar la coalición de la Segunda Guerra d'Iraq ensin avisu previu, y a toa la velocidá que la nuesa loxística foi a facer, ensin que naide los felicitara, por ciertu, el nuesu prestíu ente los aliaos cayó a niveles nunca enantes conocíos, lo que llevaría al presidente qu'entóncenes mos gobernaba, creador del Pensamientu Bambi según Gustavo Bueno, a guetar una compensación cola creación de la nunca abondo comprendía Alianza de Civilizaciones, y, pa lo que mos ocupa, l'unvío d'una agrupación española a sostituyir a los noruegos en Llíbanu, que yá taben hasta'l moñu de perder el tiempu, y recursos, naquella tierra.
Y ellí siguimos, metanes l'aruelu, perfeutamente inoperantes magar lo que diga la Ministra, con un Hezbollah al que se-y permitió caltener les armes tres los alcuerdos de paz interna caberos nel país, y namái hasta que se formara de nuevo l'exércitu llibanés, pero que lloñe d'ello tiense convertío na mayor organización terrorista esistente anguaño, mayor que Hamás, tan mortífera como l'Estáu Islámicu.
De retirada de los cascos azules tien escomencipiao a falar Georgia Meloni, qu'ellí tien más inclusive que nós, y que tampocu ve'l sentíu de caltenelos, si bien el nuesu Gobiernu, al que se-y llena la boca de paz nestes ocasiones, prefier que los nuesos sigan ellí, acovecíos nos búnkeres, porque, como siempres, piensen qu'eso damos prestixu, si bien, como los fechos y los años tienen dío amosando, de nada sirve la nuesa presencia, ONU, más allá de servir de blancu d'atentaos esporádicos o cañonazos de les partes, que se lleven per delantre la vida de los nuesos, pa nada. Ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo