Franco y chapote, coincidencies
Paez difícil, casi imposible, atopar semellanzes ente estos dos individuos, especialmente porque la so coincidencia cronolóxica foi escarsa, ún entamando la so "carriera" y l'otru nos años caberos de la propia. El casu ye que, como estos díes se fala, y se discute, en redol a dambos nes Cortes españoles, ello tiénme llevao a entrugame enónde o en qué podríen tener coincidío, atopando dos momentos claves na vida de dambos. Circunstancies importantes, puesto que nel so casu, y nel de la mayoría de persones, son díes nos que se define la trescendencia o la trayeutoria d'un individuu; son los veintinueve años d'estos dos personaxes.
Chapote, n'español, puestu que nun domino'l vascuence, foi, a los so 29 años, ún de los participantes nel asesinatu de Gregorio Ordóñez, pa siguir algamando méritos con el de Fernando Múgica, y algamar l'ésitu mayor cola liquidación d'un mocín Miguel Ángel Blanco, dalgo que daría pie a una reacción de la ciudadanía que marcaría l'aniciu del fin d'ETA, actos que lu convierten nun gran gudari -de mierda, acordies coles pallabres de Corcuera, vieyu ministru socialista d'Interior-, lo que lu lleva al cumal de la organización y que, a buen seguro, va reporta-y grandes acoyíes nesa tierra enllena de valientes cuando recobre la llibertá. Veintinueve años, un finxu importante na vida de les persones.
Esa yera la edá que tenía Francisco Franco cuando al frente de la Bandiera del so mandu aporta como primer fuercia a socorrer la ciudá de Melilla, cercada polos rifeños tres el desastre d'Annual, consiguiendo, coles sos aiciones, el reconocimientu eternu de los sos habitantes, ¿eternu? Bono, el casu ye qu'ehí s'acababen les coincidencies, a lo menos no que a les sos biografíes se refier.
Pero la vida política de les naciones da munches vueltes y l'azar, o'l calendariu de les Cortes, quiso que güei se falara de dambos en Madrid, nel Congresu de diputaos, au les víctimes del terrorismu pudieron oyer la faragaña que la indecencia socialista y la fatura de la oposición tienen provocao tres l'aprobadura d'una llei que va dexar na cai a Chapote y munchos de los sos correlixonarios muncho enantes de lo previsto. Pero tamién de Franco se tien falao, pues tiénense dao los primeros pasos pa poner fuera de la llei a la fundación que lleva'l so nome, y ye que los sucesos históricos tocantes a esti señor, al paecer, preocupen a los políticos de nueso muncho más que Chapote o los asesinatos aínda ensin esclarar de la so banda. Ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo