El mensax de la Castellana
Regaba l'otru día media España una umbada atlántica entrada pel suroeste, pa gayola de l'agricultura nacional y llantu d'otra parte d'ella. En Zaragoza y Madrid, día grande institucional pasáu per augua, y ye que la gran ufrienda de flores a la Virxen del Pilar que protagonizen los aragoneses tiense visto empapada a lo llargo de tola mañana con auténtica abondanza, si bien tien sío nel paséu madrilanu de la Castellana au se tien visto y vivío'l diluviu masivu demientres el desfile de les Fuercies Armaes, Guardia Civil y servicios de Proteición Civil.
Ye un día qu'últimamente vien marcáu con elementos numbéricos, d'un llau los decibelios que'l paisanaxe otorga al presidente del Gobiernu, crecientes, y del otru, los metros a los que la organización pon al públicu en xeneral, tamién crecientes. Peo esti añu va pasar al recuerdu pola cantidá de litros cayíos xusto nel momentu que desfilaben les tropes a pie. Una auténtica cortina d'augua que por un momentu paecía capaz de sospender l'actu, si bien, y con aciertu del mandu, l'asuntu tien tirao p'alantre, con unos uniformes cargaos con los litros d'augua que los empapaben d'arriba abaxo, y el chaplotéu de zapatos y botes nes balses de la magna avenida. Hasta los lexonarios se tienen visto obligaos a amansar el so pasu, faltos de los tambores colos parches ablandaos pel augua, y los vistosos plumeros de los ros, qu'otros años llucíen formosos col pasu del personal, güei desapaecíen precavidamente baxo les fundes d'augua de los cubrecabeces. Namái los tricornios charolaos rellucíen como siempres. Ye lo qu'hai.
A min tiénme gustao ver, dende la comodidá del salón, la escena, pues nella paecióme acolumbrar un mensaxe non premeditao per parte de les nueses Fuercies Armaes, el de "esi Exércitu que ves, vagu al xelu y al calor", que cantara don Pedro Calderón de la Barca, esi qu'anguaño se pretende herieder d'aquellos tercios, dende la humildá de la so condición anguaño, pero que siempres ta dispuestu a dir a onde'l Gobiernu de la nación considere, y si yá entóncenes "nun adornaba'l vestíu al pechu", tampocu lu quieren facer anguaño los so homes y muyeres, baxo la güeyada atenta d'un rei que representa'l presente d'España, a quien secundaba una Princesa d'Asturies qu'anuncia'l futuru col so uniforme de guardiamarina.
Lloñe esa imaxe de la del besamanos posterior en Palaciu Real, na que podemos ver a una España d'oropel que nun sé yo si mos representa tan bien como los uniformes empapaos de los nuesos militares.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo