Maxestá
Tamos los españoles, cola que ta cayendo, y nun tengo alcordanza de meyor ocasión que la hora anguaño pal emplegu d'esa espresión d'usu común; tamos los españoles, remacho, necesitaos de referentes positivos en dalgún aspeutu, que mos sirvan pa sacudimos d'enriba los sentimientos pesimistas que, creyo, la mayoría temos desarrollao estos díes caberos.
Ye difícil, xodíu, pensar en clave positiva, pero dientro del desastre de planificación que supunxo la visita de los Reis a Paiporta, que seguro que tevo responsables pero difícilmente vamos llegar los ciudadanos a poder identificar, a min quédame un regustu positivu viendo'l comportamientu del rei Felipe, cargáu de maxestá metanes el barral y la desesperanza del personal.
Vilo tan manifiestu que, pa nun m'enquivocar, gueté nel Diccionariu de la RAE'l significáu de la pallabra, a la que da tres aceiciones, siendo la tercera la que diz que ye "el títulu o tratamientu que se-y da a Dios, y tamién a emperadores y reis", y nun cabe dulda de que, dende esi puntu de vista, anque'l papel de xefe d'Estáu nuna monarquía parllamentaria como la de nueso tea mui llendao, al rei Felipe correspuénde-y el títulu de maxestá.
Na primer aceición fálanos la RAE de "grandor, autoridá y superioridá sobro otros", y ayeri vimos que yera la maxestá del rei la que prevalecía sobro les otres autoridaes, presidente del Gobiernu y de la Xeneralidá valenciana, que, amás, cola so actitú demientres la visita, amosaben bultablemente que, magar lo llendao del poder real, yera la superioridá moral del rei la que marcaba ya imponía naquella situación desafortunada por dellos motivos. Ellí tamién se talantaba la maxestá.
Ye a lo cabero la segunda aceición, "seriedá, entereza y severidá nel rostru y nes aiciones", la que llegó a los so niveles más altos nel comportamientu del Rei, absolutamente consciente de la tensión d'aquellos momentos y, al tiempu, con axetigu abondo pa pescurdar que la so presencia ellí yera ineludible una vegada entamada la visita. Una actitú, la de la pareya real, que namái pue obtener l'aprobadura de la ciudadanía una vegada superaos los momentos de tensión y analizada la xornada cola serenidá suficiente.
Si pa dalgunos el discursu real de 2017 tocantes los asocedíos de Cataluña marcara un finxu fondamental nel reináu de Felipe VI, nun me cabe dulda de que los tensos momentos vivíos agora, en compañía de la muyer, van suponer tamién un moyón non menos importante nel so devenir como rei d'España.
A 4 díes vencíos de pallares de 2024
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo