Asuntos de Bulnes
Esto que si nel monte o na ería cae barru o tierra, en muchos conceyos a eso lláman-y un argayu; amás d'ello, en pueblu cabraliegu de Bulnes, que ta ente el puertu, el ríu, la peñe, los montes y los picos, si lo que baxa son piedras entós eso no é un argayu sino una quebrada pero si é namás una la que cae o son más pero tán más sueltas, nombran un lisu, con ele no con elle porque la pallabra, onomatopéyica, debe vinir de lo mesmu que la castellana deslizar.
Cuando la piedra allega al suelu y queda sola, estóncenes sigue llamándose una piedra, si é chica, pero pasa a ser una redonda si é más grande, que las más d'estas son cuadradas, prismáticas dichu en finu pero el nombre d'ellas é esi, redondas, que hai muchas na toponimia, un suponer la Redonda los Llacios en Sotres o la Redonda l'Argada, la Redonda los Cazadores y La Redondona en Bulnes.
Otros topónimos de Bulnes son estos:
El barriu arriberu de Bulnes llamáse El Pueblu o El Puelu, no El Castillo; el de baxu é La Villa. Y en Bulnes llaman los Beyos de Bulnes a un cachu güenu de la garganta que va de Poncebos a Caín.
Las Salidas, o las Salidas de Bulnes, é el nombre d'otra garganta, la del Ríu de Bulnes, y del camín que va per ella pa llegar a Bulnes, no la Canal del Texu, llamatu que, anque paez mui asturianu, no lo é, pos la xente del llugar solu diz la Riega el Texu, que vien de la Peñe Maín y axúntase con esi Ríu de Bulnes. Amás, esa Peñe Maín ta embaxu y Maín enriba.
Dixerénmilo asina y asina cúntolo yo agora.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo