La Playa el Ñoval, sin arena y sin la mar
Ello qu'al merudía del pueblu d'Onao (que pertenez al conceyu de Cangues d'Onís, llamáu tamién Cangas de Onís) hai un sitiu que se llama la Playa el Ñoval, a unos 150 metros d'altu y al que se va de l'aldea pel sitiu de Veguina.
Na Playa el Ñoval no hai arena, lo que hai é un campu mui pindiu, porque l'orónimu vien del llatín tardíu "plagiam", y esti del indouropéu "plak-", planu, que la Playa la Ñoval sí, é llana, pero entornada, igual igual que la Playa el Barréu, que ta al saliente d'ella y tamién é bien pendia. Cerca d'ellas, la Riega el Barréu jaz raya ente los pueblos d'Onao y Perlleces.
Díxomi estos topónimos, va pocu, Felisa González Alonso, d'Onao. Hai otros llugares n'Asturias que se llaman playas y tampocu tán na oriella la mar, como les Playes de Teyeres, n'Amieva, y la Playa la Reguera, que ta cerca La Vallina, una casería de Llanes.
En Llanes llamamos (o llamábamos) sables o arenales a lo qu'en castellanu son playas. ¡No, si n'Asturias otra cosa no habrá, pero nombres...!
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo