Las muchas pallabras de las mazanas
Asturias é una tierrina (rexón d'España pa unos, nación pa otros) con muchas pallabras, muchas, muchas, muchas. Y l'asuntu con más d'ellas é el de la mazana, muchu más que n'otros. Vamos ver dellos términos d'esi pallabreru mazaneru.
Mazanal é l'árbol que da las mazanas. Pumarada é un bosque de mazanales. Las mazanas del sapu son las primeras que caen.
Los tipos de mazana son muchos, y muchos los nombres que tienen, vo citar namás dellos: balsaína, durona, gaspara, manuelas, de marialuisa, mingana (o de mingán), del obispo, parda, pardina, de pepita pera, de perru, peru, peru repinaldu, raneta (o raineta, puen ser coloradas, pardas, francesas, del Canadá...), rayina, repinalda, de sidra (o sidrera), torena y qué sé yo cuántas más.
De la mazana jacíase y jazse una bebida mui nombrada, que se llama la sidre o la sidra, pero sidre é como se llama o más bien se llamaba nos más de los conceyos onde se jacía, qu'estos son los del mediu y el saliente d'Asturias.
La sidre (o, como digo, sidra) que se toma sin fermentar, é la sidre del duernu o del cocinu.
Llagar é onde se maya la mazana pa jacer dempués la sidre. Pue llamase tamién llagar a onde hebo un llagar pero ya no lu hai.
Nos pueblos de la oriella del Deva, en tolos pueblos asturianos jacíase mucha sidra; nas aldeas vecinas de Cantabria jacíase tamién, pero muchu menos.
Escribo mazana y no manzana, que'l llamatu asturianu, como sábese bien, vien del 'nomen' (segundu nombre de los romanos) del tratadista d'agricultura romanu Gayu Maciu Calvena. Pa una vez que ponemos el nombre d'un escritor a una cosa nombrada, pos vo caltenelu dajechu, sin la ene agregada en Castilla.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo