Los bandos nacen y acaban
Ello que los bandos de las funciones de los pueblos y villas unas veces caltiénense muchu y otras no tantu, como pasó n'Alles, la capital del Valle Altu de Peñamellera, onde había dos bandos desapartaos pol Ríu Bellances, el de los barrios del saliente d'esti, llamaos España, y el de los cuatro del poniente, que son menos y que tenían el nombre de Francia.
Nesos cuatro barrios, que son La Cuesta, L'Aldea, Pastorias y Trespalaciu, estuvieren acampaos los de Napoleón cuando la francesada, por eso salieren esos llamatos de Francia y España, sacaos pame que polos vecinos d'España. Un añu de los de pasáu la guerra (la del catorce) los mozos del pueblu alcordaren cabar cola pica y la pica morrió.
Cuntómelo, tou ello, Basilio Corral Caso (1898-1990), qu'era de La Cuesta. No sé si quedarán hoi presonas nacías d'Alles que s'alcuerden del asuntu.
Hai otros casos distintos, en que la xente desapárase más asegún pasan los años, como en Llanes, que los bandos hoi son tres pero va tiempu joren namás dos, nacíos en 1837; una preba güena d'ello é esta razón de 1918 sobre la función del hoi tercer bandu, La Guía, que, como vamos ver, era entós de tolos llaniscos. Ta escrita por un vecín d'El Cuetu (un barriu de la villa) que firma M.:
"Este bando del Morru [La Guía], que cuenta con las simpatías de todos los llaniscos. Prueba al canto. Para que pudiese quedarse la Banda de Torrelavega el día 9, hubo necesidad de echar el guante a la concurrencia la noche del domingo [qu'esi añu joi el 8 de setiembre, el día grande de la función, como sabemos]. Dos entusiastas, Tomás Berrazueta y el que esto suscribe, tiramos de sable, y en hora y media recaudamos doscientas pesetas. Bueno; pues los donantes pertenecían a todos los bandos de Llanes, contándose entre ellos varios forasteros, y todos nos recibieron con exquisita amabilidad. ¿Para la Guía?... ¡Cuanto queráis!, decían. ¡Un millón de gracias, amables señoras y rumbosos señores!".
Esto salió n'El Oriente de Asturias, un semanariu de Llanes qu'era estóncenes de Manuel Tamés Sordo, na páxina 2 del suplementu al númeru 1737, del 14 de setiembre de 1918.
¡Jastasagora!; ¡viva Peñamellera!, ¡viva Llanes!
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo