50º aniversariu del Centru Asturianu de Tarragona
La llegada d'asturianos a Tarragona escomenzó nos años 70 cola puesta en marcha de la industria química y la refinería. Cientos d'inxenieros asturianos colaboraron na construcción de les instalaciones y la so puesta en marcha.
Durante los siguientes años el tipu d'emigración asturiana fue cambiando, pero na mayoría los casos siguió tando relacionada cola industria.
Nel añu 1975 constituyóse'l Centru Asturianu de Tarragona, y los asturianos aconceyaben alrodiu de Fiestes anuales como la del Bollu, la del Corderu o la del Día d'Asturies y de la Santina, creándose un ambiente d'amistá y colaboración.
Esti fin de selmana celebramos un Día d'Asturies y de la Santina perespecial, ya que cumplimos 50 años y organizamos un día de fiesta con pasucáis pel centru la ciudá cola Banda Gaitas Avante Cuideiru, misa na catedral n'honor a la Santina, recepción nel Ayuntamientu por parte del alcalde de Tarragona, D. Rubén Viñuales, y asistencia del presidente d'Asturies, D. Adrián Barbón. A ambos queremos agradece-yos el so sofitu a esta iniciativa entamada por una asociación cultural, así como al escritor D. Inaciu Galan, que también participó.
Tamién ficimos homenaxe a cuatro asturianos que contribuyeron de manera decisiva durante estos años y que fueron el símbolu de tantos que pasaron.
Lleéronse los discursos en castellano, catalá y asturianu con una normalidá y concordia absoluta, y reafirmamos cómo la cultura y los signos d'identidá tienen que servir pa facer una sociedá más fuerte y rica.
A continuación, una espicha asturiana organizada pol Consistoriu tarragoní y celebrada nel Pati de Jaume I del propiu "Ajuntament" remató l'actu, onde nun faltaron la sidra bien escanciada y dellos cantares bien echaos ente los participantes.
Pela tarde organizamos un "Alcuentru Folclóricu" nel centru la ciudá con gran parte de les asociaciones culturales de Tarragona na que puso'l ramu l'actuación del Grupu Folclóricu L'Orbayu, del Centru Asturianu de Tarragona, y la Banda Gaitas Avante Cuideiru, a la que queremos agradecer especialmente la so asistencia.
Un abrazu dende Tarragona.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo