Otero-Villafría: entra y sal si puedes
Igual ye que como la losa de la Ronda Sur d’Uviéu va dir pa llargo y se necesita que los ciudadanos vean que se faen coses, el casu ye quinauguraron fai tres o cuatro díes un carril dentrada al barriu Otero-Villafría que, vaiga per delantre, ye una ratonera que va valir pa bien poco. En cuantes quentamaron a escargatiar pa facer laccesu a esti barriu desde la Ronda Sur ya se vía venir que la obra yera absurda y que diba traer más inconvenientes que ventaxes. Y eso que trabayaron a rau estalláu paisanos y máquines, sábados incluyíos, quedándose dellos díes hasta les once la nueche. Supongo que-yos pagaríen les hores extra.
Pa empezar, cualquier vehículu que quiera entrar tien que venir forzosamente de la rotonda de San Lázaro. Los vecinos del barriu, que conocemos cómo ta lasuntu, si venimos de León-Mieres o de Santander-Xixón-Avilés, pela ronda esterior, tamos entrando per onde siempre (pela cai San Melchor), por nun subir a dar la vuelta a San Lázaro. Resulta que como se trata dun carril que sólo val pa entrar y que ta xustamente antes de la salida hacia toles direcciones (rotonda de Fozaneldi), pasámoslo en grande viendo desde la ventana cómo docenes de coches se meten pal barriu por error y, en vista de que dos de les cais nun tienen salida, dan la vuelta pa salir per onde entraron y atópense cola señal de dirección prohibida; dan dos o tres vueltes hasta quacaben subiendo hacial colexu de Villafría y saliendo quién sabe per ónde... Pasamos un ratu bien entreteníu viendo les cares de mala hostia que lleven los/les conductores y cómo van braciando y faciendo esparabanes, acordándose, seguramente, da la mamá del cabeza de chorlito que diseñó la obra y de los políticos que la dieron de pasu.
Tuvi ocasión de comentar esti tema con unes cuantes persones y toes coincidieron en que la obra ye absurda, en quenterraron un montón de perres nuna obra que nun val pa nada... Nun fai falta ser espertu na materia pa dase cuenta de que ta too fecho al revés: onde fixeron la entrada tenía que ser la salida, y la entrada había de tar notru sitiu, por exemplu, según se sal hacia toles direcciones de la autovía (Mieres, Xixón, Santander, etcétera). Si se quier dar entrada a esti o a cualquier otru barriu habrá que da-y tamién salida, porque si non ye igual quuna nasa pa pescar truches, una auténtica ratonera.
Visto lo visto, nun taría mal que punxeren dalgún cartel o señal quavise de que la cai Isidoro Chamorro nun tien salida, porque ye un verdaderu caos el que se puede observar tol puñeteru día: coches y más coches dando la vuelta, enquivocándose hasta que consiguen topar la salida. El tráficu nesti barriu aumentó enormemente nestos díes. Si toi un ratiquín paráu delantre casa nun pueo facer otra cosa quesplica-yos a los conductores lo que tienen que facer pa volver a salir a la Ronda Sur pa tirar pa Xixón o pa Mieres, que ye lo que toos quieren... Y nun resulta fácil. Si los responsables desta chambonada nun me creen, que vengan a velo anque sólo seyan cinco minutos. ¡Por favor, vengan, nun importa a qué hora!
De la mesma manera que los paisanos antiguos nun facíen los castiellos nuna poza pa que-yos tiraren morrillazos desde arriba nin facíen los horros con madera de figal, nun será muncho pidir qua la hora de facer una obra, coles perres que cuesta, imperel sentíu común. Pa facer lo que fixeron, taba mui guapo como taba.
Por cierto, mientres escribo esto, acabo de ver un coche dando marcha atrás porque se dio cuenta de quentró confundíu y consiguió garrar otra vez la Ronda Sur (eso sí, fíxolo con munchu cuidáu pa que nun-y dieren tope los que baxaben lanzaos procedentes de San Lázaro). Tampoco sería raro quempiece a haber accidentes nesti puntu. Yo voi dir apuntándolos nun papelín.
Ramón Blanco González
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo