Lo más altu solu d'Asturias
Esto que la pica más alta d'Asturias y de Cabrales sábese bien qu'é la Torre Cerredu, con una quima de 2650 metros d'altu pela que va la raya con la provincia (y rexón, qu'éralo y tien que golver a selo si lo quieren asina los sos vecines) de León, o Llelón, que dicían antiguos d'ella.
Esa raya va tamién pelas quimas, bien altas, d'el Cuetu los Cabrones (2558 metros), Las Mermeyas (2598 m), la Torre Coello (2573), la Torre l'Osu (2567), Arenizas Altas (2512) y el Picu Tesoreru (2563).
Y con Cantabria jacen raya tamién otras quimas altas d'Asturias y de Cabrales, como son el Picu Tesoreru que digo (2563), las Morras de los Jorcaos Rojos (2503), el Picu Santana (2599) y la Morra de Navarro (2599).
Entós, ¿cuála é la pica más alta d'Asturias y de Cabrales que ta namás n'Asturias y namás en Cabrales?
Élo el Cuetu la Párdida, con unos 2584 metros d'altu y que degola pa los Jos de la Párdida y pal Jou sin Tierre, jogos los dos que tan namás n'Asturias y en Cabrales. Pero nos mapas tien el nombre de Torre la Párdida y no el del Cuetu la Párdida, topónimo esti que sintí en Bulnes y que, por ello, uso yo.
Digo bien claru que pica tan asturianísima y tan cabralieguísima no pue tener un orónimu como 'torre', qu'é como llaman en conceyu de Valdeón (León) a cualesquier picu, sea como sea. Lo de Torre la Párdida (y no Cuetu la Párdida) sacólu igual José María Boada, un autor de mapas que no respetó la toponimia. Pero é una belurdia que no se pue premitir; dempués dicimos muchu qu'amamos la tierra nuestra pero no defendemos los orónimos y los topónimos con que las nombraban los hombres y muyeres que vivieren nella.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo