Una Flotilla pal Dniéper
De xemes en cuando, pente medies de dalgún concursu televisivu o d'eso que llamen reel y que daquien que se supón amigu t'únvia ensin dalu tipu de prevención, algamo a dame cuenta de la precariedá xeográfica de les xeneraciones que me siguen, nes que con ca llei ñueva d'educación mos averamos más al analfabetismu funcional. Ye lo qu'hai.
Dalgún va dicir que coles tecnoloxíes ñueves yá nun fai falta estudiar eses coses. Asuntos tan escasos d'interés como la xeografía o la historia. Y asina atopámonos que, d'aquella conocencia del mundiu qu'empapaba les xeneraciones vieyes, güei tenemos pasao a los llocalismos, non yá a lo nacional, y poro, falar del Volga, el Don o el Dniéper, grandes ríos de la Rusia europea, esto ye, la que s'alcuentra al oeste de los Urales... ¿Que qué son los Urales? Pues eso, que ye materia que nun interesa a naide.
Sicasí, equí manifiesto, son los grandes ríos europeos de Rusia que discurren haza'l sur, esto ye, que van desaguar al mar Caspiu, el d'Azov, y el Negru. Vamos dejar de llau el primer, el Volga, porque'l Caspiu nun llenda colos asuntos que mos interesen, pero vamos sorayar que'l Don, acaba en Rostov el Don, nel norte del mar d'Azov, y representa la frontera legal y xeográfica ente Rusia y Ucrania; mientes que'l Dniéper acaba un pocu más abaxo de Jersón, n'Ucrania, y onde agora s'alluga la frontera artillera y de drones ente los dos países. P'asitiar meyor la zona, voi añeder que, metanes ambas desembocadures, atopamos la formosa, martirizada ya histórica península de Crimea. Y les llanures ente dambos ríos correspuenden a los tarrenos au cabalgaben los famosos cosacos zaporogos, ente ellos aquel novelísticu Taras Bulba, interpretáu maxistralmente nel cine por Yul Brynner.
Tornando agora al tema del conocimientu, dalgo muncho más escasu anguaño de lo que los medios de mases pretenden facenos creer, y al posu d'esperiencia, "know how" creo que-y dicen los pijos, alquiríu por esos marineros de pantalla que recién, y demientres un mes llargu, mos entretuvieron cola so singladura haza Gaza, ¿nun sedría una pena que tou esi cuelmu de saber obteníu nel Mediterráneu se perdiera? ¿Nun podríen plantegase un proyeutu ñuevu que subiera pel Dniéper reclamando a Vladimir Putin y los sos mozos un alto el fueu? O meyor, ¿un repliegue?
Yá m'imaxino a la señora Colau y a la señorita Thumberg, espertes "navegantes" elles, flamexando les banderes de Rusia y Ucrania en comunión fraternal. ¿A que va ser que no? Pues eso.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo