Unes lletrones illegales
El Conceyu de Xixón acaba d'instalar unes «lletrones» col nome de la ciudá n'El Muelle. Caún pue tener una opinión bona o mala de la calidá artística de les mesmes. Al mio paecer son mui fees, como lo ye l'actual imaxe corporativa del conceyu, pero esa nun ye la cuestión. El casu ye que se vien denunciando dende enantes de que fuera feches les «lletrones» na acería que les donó, que'l nome de la ciudá, oficial a tolos efectos, y d'obligáu usu pa les alministraciones públiques ye «Gijón/Xixón», polo qu'esti Ayuntamientu vuelve a cometer una illegalidá al instalar esta escultura ensin les lletres del so nome oficiliazáu yá dende 2006.
Los responsables son PSOE, Izquierda Xunida-LV y el PP, yá que la so cabezalera, Pilar Pardo, tuvo na inauguración bien contenta coles lletrones illegales. El Conceyu ta a tiempu de rectificar, namás tienen que poner al llau de les lletrones otres col otru nome oficial de la ciudá. ¿O van incumplir la llei cuando-yos venga en gana? Anque quiciabes pidir que faigan les coses llegalmente a esta alministración ye muncho pidir.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo