El sainete nacional
Creyo recordar, de la mío asignatura deLliteratura de 6º de Bachiller, que'l sainete vieno a sustituyir al entremés, va yá munchos años. Dambos teníen como oxetivu entretener nos entremedios o descansos d'obres teatrales más llargues; anque, visto l'ésitu, el sainete fízose más llargu, con más personaxes y representando siempres situaciones cómiques de la vida cotidiana.
Si vustedes se paren a cavilgar un momentu, van concluyir que n'España vivimos nun sainete perpetuu, con obres más llargues que lu encuadren, como puen ser les estremaes y casi perpetues situaciones dramátiques que mos vien ufiertando'l Gobiernu inacabable del resistente doctor Sánchez, coles actuaciones xudiciales como telón de fondu, o les peripecies internacionales del Presidente como adornu y distracción de les mesmes ca vegada que se considera necesario.
Agora atopámonos, ente lo d'Ábalos y lo de Begoña, col sainete d'esi barcu fantasma que mos llega cargáu d'hantavirus. Otru virus que vien a recordanos los demonios del covid, sobremanera dende que'l señor Simón y el señor Badiola tienen salío pela ventana televisiva a aseguranos que nun hai un res que temer. Lo que tien fecho que la mayoría de nós mos tentemos la ropa. Ye lo qu'hai.
Como los cuartos europeos colos que se pagaron va non muncho parte de les pensiones de los funcionarios nun paecen tener consecuencies mortales pa la credibilidá del Gobiernu, y la qu'ésti pueda tener en Bruxeles ye de repercusión tardía, agora podemos falar, a la espera de la sentencia de lo de Koldo y el so xefe, de les incongruencies ente la ministra de Defensa, la páxara, y la de Sanidá, la mema. Too queda en casa.
El casu ye que a mín la peripecia de estos viaxeros, con tiempu y perres abondo, que van nel barcu de marres, esto ye, el so atraque en Canarias, paezme abondo lóxico -dexando de llau l'interés de la señora ministra nun posible puestu na OMS- dao que les nueses islles yeren la primer tierra europea na ruta del barcu, y la pertenencia a un club, nesti casu l'européu, tien les sos contraprestaciones, que non tou van ser Fondos Next Generation pa que'l Gobiernu de nueso cuadre les cuentes. Y neso tamos, nuna situación de crisis que mos recuerda otres anteriores, y non porque la sección de infecciosos, o como se llame, del Hospital de la Defensa en Madrid nun sepa cómo tratar l'asuntu, sinon porque'l Gobiernu, una vegada más, ofrez una imaxe deplorable a la hora de comunicar, y con ello d'aselar, a la opinión pública. Ye lo qu'hai, otra vegada.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo