Civismu o urbanidá
¿Qué más da? Si nun recuerdo mal les clases del padre Fidalgo, dambos son sinónimos. Y la RAE, la Real Academia Española, la de la Llingua, la que tien como fin fixar y dar rellumanza al castellán, anguaño español, defínlu como "el comportamientu respetuosu del ciudadán coles normes de convivencia pública". Y ehí creyo, ye au mora'l problema, neses normes y la so definición, porque, a la fin, resulta que somos nós mesmos quienes les definimos, y nuna sociedá como la de nueso, tan muelle, tan adautable, y tan afayadiza, resulta que'l personal va tiempu que nun ta pa definiciones, que per otra parte dalgún podría pensar que suenen a imposiciones: Y asina mos va.
Nin que dicir tien que los gobernantes, particularmente los municipales, equí, allá y acullá, viven pendientes d'aquello que ca cuatro años podría resultar más valorable, positivamente, polos votantes, fuyendo al tiempu, d'aquello que pudiera alterialos, como, por exemplu, les normes de convivencia. Ye lo qu'hai.
Valga esta introducción, quiciabes llarga, a cuenta de lo qu'esta tarde m'atopé nel Muru y cercaníes. Pa entamar, baxando haza ellí, una moza con un percurtiu pantalonín curtiu per baxo y la parte d'un bikini minúsculu perriba. Que supongo yo que la parte inferior del bikini debía ser abondo breve como pa qu'ella mesma decidiera cubrilu. Aquello si nun llegó a alteriame si que sirvió pa sollertame.
Yá sobro l'arenal, metanes el paséu, casi me zarapico con un grupu, nun sé si de cinco o seis, de los qu'agora, por aquello de lo políticamente correuto, esa moderna forma de tiranía social, se nomen sosaharianos, sentaos en corru, pegaos a la baranda, y ocupando quiciabes un cuartu del anchor del paséu, incordiando ensin dulda a los paseyantes que, nunu u otru sentíu, caminaben al llau de la mesma.
L'asuntu nun llegaba a ganar el títulu de manifestación, de calter étnicu nesti casu, pero nun dexaba de ser curiosu teniendo en cuenta que, al otru llau, na parte interior del paséu, había asientu de sobra pa toos ellos. Y dalgunu va poder pensar que son les sos vezos, pero otros, yo ent'ellos, podemos opinar qu'eso nun casa col estilu de la ciudá de Jovino. Non hasta agora.
Superao l'humanu trabancu pude constatar l'afluyencia d'individuos, nesti casu masculinos, que consideren el Muru como bon llugar pa tostar la so piel morridosa tres una primavera llovedera, paseyando descamisaos y lluciendo, na mayoría de los casos, les sos llorces, que non musculatura. Y digo yo que ta bien lo del bon rollito, pero tamién el comportamientu cívicu, que, na mío opinión, nun casa colo descrito, y la autoridá competente consiente. Ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo