Papeles de Llanes y de la mar
La mar. Esi llugar azul grande grande onde la xente viaxa y trabaya. Y tamién onde s'ajuega porque los barcos onde, como digo, viaxa y trabaya puen jundise.
Por eso, ya va muchos años, cuando Cuba tovía era española, bía sociedaes en muchos sitios p'ayudar a los náufragos. En Llanes fundóse una en 1887, la Sociedad de Salvamento de Náufragos, que jecio muchu por ellos.
Qué güenu sería poder mirar los papeles que tenía esa sociedá: documentos, oficiales o no, revistas... que cuntarían cómo unos acaban pero otros salvan la pelleya, en Llanes o n'otros llugares del mundiu; ¿qué habría nellos, habrálos tovía, ónde tarán, quién sabrá esto?
La fundación d'esa sociedá sal nun llibru, "Apuntes históricos, genealógicos y biográficos de Llanes y sus hombres", una de las obras que más valen pa conocer la hestoria de Llanes, que sacó, en 1893, el vecín de la villa Manuel García Mijares. Lo que tampocu sé é que pasaría col manuscritu orixinal del llibru; si se caltién, taría bien tamién saber ónde ta y si podría mirase.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo