Muertu en monte por falta d'helicópteru (1981)
Ello qu'esti veranu mucha xente ta sacando l'helicópteru del monte n'Asturias y n'otros llugares, y, como siempre, sentiránse críticas por ello, pero va no muchos años l'asuntu era bien distintu.
El 13 de setiembre de 1981 morrió un montañeru nuna Marcha Regional de Veteranos de la Montaña de Asturias, la que diba d'Alles (el Valle Altu de Peñamellera) al pueblu llaniscu de San Roque l'Acebal. Según mi dixo un testigu pasaos unos años, paez que-y dio un infartu cerca tovía d'Alles, pero el casu é qu'en vez golver p'atrás siguió, siguió y siguió, tan y mientras los qu'andábamos delantre sintíamos per radioteléfonos qu'un hombre diba mal y que diba mal y que diba mal, jasta qu'acabó nel sitiu de Chicolás, ya mui cerca las casas de San Roque l'Acebal.
Si cuando emprecipió a andar mal o cuando ya taba en mediu'l monte sácalu un helicópteru, salva la pelleya, pero yo no sé si entós no bía estas aeronaves n'Asturias o qué pasaría.
Nos pedióricos salió la razón, pero pa facilitar trámites almenistrativos oficialmente caducó camín d'Uviéu.
Moralexa: no mos quexemos de que hoi s'usen muchu los helicópteros, val más que volen sin necesidá, como pue que volen a veces, que no que no volen y acabe un montañeru como aquel día de 1981.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo