Afusilamientu y, dempués, comedia nuna plaza (Llanes, 1874)
Ello que la Plaza las Barqueras é la plaza más nombrada de Llanes de las que tán al saliente d'El Riveru, qu'é como llamamos nós al ríu de la villa. Sábese, por dellos escritores, qu'en tardíu de 1874 una partida carlista (no-yos gustaba un Borbón, pos hai que poner otru Borbón, anque entós taba la Primer República) que mandaba Próspero Tuñón afusiló nesi llugar a un soldáu d'ellos paez que por otomías jechas a una muyer nun pueblu.
La execución joi el xueves 24 de setiembre d'esi añu; el muertu, de unos 32 a 34 años y que no taba casáu, llamábase Agustín Egurén (escritu, una vez, Yenguren). Era d'Elorrixo (Vizcaya) y enterrárenlu en Llanes el día 25.
En poder del xuzgáu quedó una semeya del difuntu (qué alantos bía ya nesi tiempu) y la ropa que vistía el soldáu afusiláu, qu'era, asegún un papel: "un pantalón de corte a rayas anchas rojas y negras, con manchitas azules, y tiene franja compuesta de tres rayas rojas y azules estrechitas, una faja de lana o estambre color morado, como de tres metros de largo y dos cuartas de ancho y bastante usada, un tapabocas o bufanda de estambre o algodón de medio metro de ancho y sobre tres de largo, a medio uso, color gris, rayitas estrechas traversales blancas y negras y fleco, tiene dos agujeros a un extremo como de bala, una camisa, no muy usada, de color, de algodón, blanca y azul a rayas, está toda rasgada y ensangrentada y por último una boina color azul oscuro, a medio uso y muy sucia". Hai que dicir que nas guerras d'antiguamente lo corriente era que los uniformes no joran eso, uniformes, sino que más bien eran muchiformes.
El casu é que, según me dixo Mercedes Sotres Díaz, qu'era de La Portiella, un pueblu vecín de Llanes, so güela vio cómo mataban al sisilistrón y a otru día hebo una comedia nel mesmu sitiu. Sería una representación teatral y sería, barrunto tamién, no a otru día sino tres díes dempués, porque esta jadríase un domingo, como era la costumbre nesi tiempu.
Enteréme d'esti asuntu polos llibros de Manuel García Mijares, Demetrio Pola, Fernando Carrera y Cayetano Rubín de Celis, polo que me cuntaren Eduardo Estefanía y Mercedes Sotres, y por papeles de los archivos, documentos onde saco las fechas de setiembre que digo.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo