Hispanidá na Colexata de Xixón
Ye la colexata de San Xuan Bautista una de les pequeñes ayalgues de l'arquitectura xixonesa. El so allugamientu, anexu al palaciu del Marqués de Revillaxixéu, metanes la cuesta que da entrada a Cimavilla, otorga-y una supremacía sobro tola zona, que dexa a los sos pies el muelle históricu, el monumentu-fonte a Pelayo, y los xardines de la Reina coles sos más que centenaries palmeres, a lo qu'amiesta la so propia arquitectura en barrocu asturianu, del entamu del XVIII, que-y dio guapura y, lo que ye más importante pa les sos actividaes anguaño, una acústica excepcional, tantu pa eventos musicales como conferencies, como la d'ayeri.
Tamos na selmana de la Fiesta Nacional, el Pilar, tamién de la Hispanidá, y por primer vegada en Xixón, col puxu del Ayuntamientu, y patrociniu de la Fundación Xixón Rural que, dado que cuenta col sofitu económicu de la Caxa homónima, supongo que ye'l principal sustentu pecuniariu de les estremaes actividaes, como esta, que contó con la intervención del coronel Pedro Baños.
Ye'l coronel Baños un comunicador escelente, mui conocíu en redes y televisión, tamién por los llibros diversos que, principalmente enfocaos na xeopolítica, o si prefieren, xeoestratexa, lleva espublizaos nestos años caberos. Foi mui comentáu, al entamu del primer gobiernu Sánchez, el so posible nomamientu como Direutor Nacional de Seguridá, cargu importante onde los haya nesi ámbitu, pero que, finalmente nun aportó a términu, según dalgunos polos sos posicionamientos prorrusos, o'l so antisionismu pa otros, anque tamién hebo quien señaló l'usu de la daga florentina, aquella que s'encintaba medio oculta na espalda pa ensartarla de forma inopinada nel costáu del interlocutor llegáu'l casu, y que, en Madrid, quiciabes en forma de navaya albaceteña, tamién tevo y tien usu ampliu.
Na tarde d'ayer' dio'l coronel sobrada amuesa de les sos destreces, énte un públicu entregáu, nutríu como se pudo apreciar de llectores y siguidores televisivos, con un verbu áxil, apasionáu, moduláu según lo que quisiera sorrayar, y en dalgunes ocasiones casi mitineru. Cola posibilidá de mercar el so llibru caberu y tamién el de la "Xeohispanidá", de 2024 y básicamente l'oxetu de la so charra o conferencia.
Nello se centró, con un repasu, dientro de lo que permitía'l tiempu, a dalgunos de los fechos qu'autores estremaos, el mesmu, tienen puesto sobro'l tapete col fin de desbaratar el dañu efectuáu demientres dellos sieglos pola Lleenda Negra. Con dalgunes chicadures demientres l'espiche a l'actualidá política nacional, y, como suel ser habitual nél, a los ocultos poderes macroeconómicos de nivel mundial. Ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo