Los nombres del tiempu
Ello que la jabla de Llanes tien un porción de pallabras, miles y miles d'ellas, ente ellas las que llaman a cómo pasa el tiempu.
Las estaciones del añu son cuatro: iviernu (con una ene, namás). primavera, veranu y tardíu, el nombre más llamativu d'estas retajilas y que se diz en muchos conceyos d'esti sen.
Los meses son doce: eneru, jebreru (con je, eh), marzu, abril, mayu, xunu (o tamién xunu primeru o xuniu), xunu segundu (o xunu postreru, xunetu, xuliu y pame que xunucu), agostu, setiembre, otubre, noviembre y diciembre.
Los tres díes últimos de jebreru y los tres primeros de marzu son los de la vieya.
Los díes de la semana son llunes, martes, miércores, jueves (sería xueves pero solu sintí jueves), vienres, sábadu (con u) y domingo (con o).
La jabla usábase. Agora, pocu, pero antiguamente parllábanla las pastoras y pastores que llendaban el ganáu, las muyeres que jacían muchos labores, los llabriegos, los pescadores, las pescaderas (o pescadoras) y los marineros de la oriella la mar o de la mar, los teyeros (o tiyeros), los tratantes, los tenderos, los taberneros, los canteros, los molineros, las texedoras, los xastres, los criaos... jablábanla las llaniscas y los llaniscos.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo