Orden zarráu y orden abiertu
Esta dicotomía, qu'entamó a furrular a la fin del XVIII y triunfó na dómina napoleónica, venía a diferenciar los sistemes de combate de la antigüedá, cola pernomada Falanxe macedónica, o los nuesos non menos famosos Tercios, que combatíen formando cuadros zarraos, coles doctrines más modernes, que los xenerales de Bismarck faríen triunfar na guerra encontra Francia de 1870. Ellí lo que primaba yera'l cuerpu a tierra, y, cuando nun quedaba otra, l'avance, aparentemente desordenaáu, que dificultara'l fueu del nemigu sobro les formaciones propies.
D'aquello tiénmos quedao l'orden zarráu actual, esto ye, los desfiles, de los que n'España tenemos, a nivel nacional, dos. El del día de les Fuercies Armaes, de fecha y allugamientu móviles, y el del Día del Pilar y de la Hispanidá, Fiesta Nacional, nel que amás de les unidaes de los exércitos, polo que vemos últimamente, desfila toa organización o institución que pueda paseyar un uniforme. Con puerta abierta a la innovación, como esos bicornios que llucíén güei los policíes montaos, y qu'a min recordábenme a dalguna serie televisiva, anque nun sabría pone-y nome. Coses de la mercadotecnia institucional, supongo.
El desfile, esti y el del día de les FAS, más alló de los chascarrillos tocantes la potencia decibélica del públicu y de la distancia que'l diseñu de l'actividá puede poner col presidente de gobiernu aguaños -digo anguaño porque esto enantes nun pasaba- sirve pa contrastar la marcialidá de los nuesos cuerpos militares, casi siempres d'altísimu nivel, y ye que, detrás d'eses imáxes, soyaz una preparación, específica en cuantu al desfile, pero tamién en cuantu a la presentación de les unidaes: los sos uniformes impecables, el so corte de pelu o los sos moños, el bracéu milimétricu, que mos da cuenta d'una profesionalidá que, xunía al espíritu de serviciu, sema la basa pa esi otru orden abiertu, que ye la misión real de los nuesos exércitos.
Unos exércitos qu'esplieguen per mediu mundiu, con especial tendencia haza les misiones humanitaries, anque como dixera un vieyu xefe, el Chiqui, "ente tantes magdalenes convien nun escaecerr cómo se reparten osties, que ye lo de nueso". Y ye que, "esti exércitu que ves, vagu al suelu y al calor, la república meyor y más política ye..."
Mañana SS. MM. van visitar Ceuta, y dempués Melilla, onde parte del Exércitu español defiende la frontera de la nación, y tamién la d'Europa, pero que, visto lo visto, y magar que, polo trascendío, tantu ellos como los sos mandos taben llistos pa dar la rempuesta, nunca aportaron órdenes, y cuando lo ficieron yeren casi risibles. Orden zarraú y orden abiertu, ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo