La morte acecha'l soldáu
Hebo una dómina na que visitaba a lo menos dos vegaes al añu'l Campu de maniobres de San Gregorio, en Zaragoza, el que fuera casi'l mío llar demientres dellos años d'estancia na Academia Xeneral como alumnu mozu. Neses visites, había una, la que facía al mandu d'una compañía de cazadores de montaña formada por soldaos de reemplazu, la mili, que me quitaba'l sueñu dende dellos díes enantes d'aportar. El día caberu d'exercicios consistía nun ataque con fueu real nel qu'había un momentu nel que toles armes de la unidá, fusiles, ametralladores, lanzagranaes, morteros, facíen fueu al tiempu qu'avanzábemos haza l'oxetivu supuestu. Les posibilidaes d'un accidente yeren descomanaes, y yo sabíalo.
L'exerciciu finalizaba con un ciertu alborotu de la tropa, conscientes de qu'algamaren, d'alguna manera, la graduación, mientes los sarxentos, casi tan mozos como ellos, aínaben a comprobar que nun quedaba dalu cartuchu en dalguna recámara. Yo, si atopaba una cotolla de volumen abondo, guetaba descargar la tensión de la mañana.
Aquello, pa lo que munchos nun atopaben xustificación, sí la tenía pa nós, que trabayábemos col soldáu de reemplazu como güei lo faen los mios sucesores col soldáu profesional; y dalgún de los mios collacios d'entóncenes pudo comprobalo n'Afganistán baxo fueu de los talibanes y la conciencia del trabayu bien fechu nos años anteriores. Pero'l peligru siempres ta ehí.
Güei lleo na prensa qu'un soldáu tien resultao muertu demientres un exerciciu en San Gregorio, y, anque nun se dan aínda esplicadures nin detalles, tengo bien nidio que, como siempres, taríen trabayando cola finalidá d'algamar el mayor grau posible d'instrucción y adiestramientu, pa que, cuando toque esplegar en situación real, se llogre cumplir cola misión recibida al menor coste posible de vides humanes.
Va tocar agora estudiar el casu y pedir responsabilidaes si les hubiera, pero como los exercicios y los espliegues esteriores malapenes tienen interés nos medios de comunicación, sacantes si se trata, como agora, de dalgún accidente, o de les fotoxéniques aiciones de la UME, el sucesu va desapaecer llueu del imaxinariu del personal y, otra vegadda, les condiciones de vida y llaborales del personal militar van entrar nel archivu de los asuntos pa más alantre, y si acasu falaremos de lo espectaculares que son los aviones, les fragates, e inclusive los carros de combate; tamién estos caberos operaos por personal de la clas de tropa, ca día menos énte lo escarso de la paga, y el peligru que conlleva.
Una relixón de homes "y muyeres" honraos, como yá va dellos años escribiera Calderón de la Barca. Ye lo qu'hai.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo