Homenaxe a un gran trabayaor
Fai unes selmanes alcontréme con Aníbal, amigu que tengo dende fai más de 30 años, y entamamos a charrar de la oferta que-y ficieron de participar como cabezaleru nun partíu políticu, y él, al ser el presidente de lAsociación Santa Bárbara, tenía un pocu de líu mental y pidíame opinión pa ver que me paecía a mi, si yo creía que lAsociación-y alcontraría un sustitutu pa llevala porque da munchu trabayu. Y dixi yo pa mi ¡Coño , esto nun va ser posible porque alcuérdome de cuando llegaben les feches de les fiestes, y mapaecíal mio Aníbal pel negociu llevándome él el cartelu de collaboración de Santa Bárbara, y víeslu a él sólu, infatigable per tou Mieres, venga repartir, venga repartir. Y llegando el día les fiestes, ¡hostia!
Pasabes pel parque víeslu sólu como siempre tirando de les cuerdines pa poner la carpa y llueu, non contentu con eso, el xodíu montaba tamién la tarima lescenariu. Yo plasmaba.
Cuando yo venía de Requexu de tomar unes de sidra, ellí taba él yá, colocando les caxes de sidra na barra del bar quacababa de poner y dicía-y yo qua ver si nos víamos de nueche na folixa.
Pela nueche yá na fiesta, averábame yo al bar pa tomar daqué y ¡coño.. ¡ ¿a quién malcontraba ellí? Elli taba él que nun daba abastu pa echar culinos a la xente. Yo quedaba asombrada de lo que vía y dicía-y a un amigu: esi guah.e ye incansable
Ente tanta sidra que va y vien, yá empezábamos a tener fame, y preguntamos na barra y oyímoslu dende la cocina dicir: -Acabo de facer unos chorizos mientres taba sirviendo un cubata que tán pa chupase los deos, los veinte nos dicía él, con esa simpatía que lu caracteriza. - Meca pues ponmos un par de quilinos a la sidra y si pues fainos tamién una empanada d eses que te salen tan riques. Y al momentu ellí taba él con too sirvío.
Yá bien comíos y más bebíos, llegal momentu de meneamos un pocu pa baxar el panzón del chorizu y la sidra, y cuala nun ye la nuestra sorpresa que mirando pal escenario vémoslu ellí mangáu y a él sólu arrodiáu dinstrumentos y como home orquesta entama a tocar y a cantar, y nosotros agradecíos punxímonos a bailar como posesos. ¡Qué bon músicu ye! ¡Val pa too!, dicíamos ente nosotros.
Yá yeren polo menos les 3 de la mañana y mientres marchaba yá la xente dicía-yos él: Nun vos preocupéis que too esto yá lo recueyo yo, que vosotros tais cansaos de tantu baile. Día tres día taba él ellí, venga y dale, y, oye, que lúltimu día atrevióse y too a dicir: ¡Marchái pa casa que la carpa yá la desmonto yo que sé cómo va, que pa eso la monté
Entós, depués de recordar too esto díxi-y a Aníbal:
Claro home, vete pallá ensin pensalo, que nunca lo vieron más gordo nesi partíu porque tu sólu pues llevantalu como ficisti tu sólu con Santa Bárbara, y despidímonos y nun supe más dél, namás que viéndolu nos cartelos .
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo