La Nueva España » Cartas de los lectores » Qué más da quien gane, sedrá más de lo mesmo

Qué más da quien gane, sedrá más de lo mesmo

1 de Marzo del 2012 - José María Estrada Janáriz (Oviedo)

Paezme imposible nun tar d’alcuerdu col títulu del editorial d’esti periódicu «Más que nuevos, importan políticos capaces, honrados y decididos». ¿Qué pidimos? Lo que nun tenemos. Tien tola razón I’editorialista. Cualquiera que repase la historia d’Asturies dende los dos gobiernos de Pedro de Silva, podrá decatase que la sociedá asturiana dedicóse a sofitar colos sos votos a partíos enllenos de políticos que nin yeren capaces nin honraos nin «decididos» (¿«decididos»?, sí: a caltener dalgún carguín nel Gobiernu, na Xunta Xeneral, nel partíu o en dalgún «chiringuitu»).

Pero si eleición tres eleición tuvimos dando sofitu a toa esta tropa, ¿qué razón teníen y tienen pa cambiar? Nenguna. Pensaben qu’hai miles d’asturianos que van siguir votando al PSOE, al PP, a IX y a FAC. (Y que si ganen y gobiernen sedrá bono pa ellos, non p’Asturies, pues asina colocarán a más de los suyos a chupar del tetu; y si pierden, pues siempre queda la cosa de tar sentáu na Xunta Xeneral cobrando dietes, otra forma de siguir tirando d’esi tetu).

Poro, nun hai sitiu pa esa esperanza a la que se quier garrar I’editorial: «Ya dijimos en editoriales anteriores que los partidos asturianos tenían que enmendarse. La renovación de las listas del PSOE y del PP es un paso, pero quedará en pura cosmética si los que llegan hoy acaban convertidos en los apoltronados de mañana». Señora direutora: de xuru qu’acabarán como usté diz, «apoltronados». Pues, ¿qué facemos nosotros pa que nun seya asina? Nin un res. Señora direutora, si sabe ónde tan esos políticos «capaces, honrados y decididos», ¡dígalo! Si cree que Fernández, Iglesias, Cherines, Cascos o d’algunu de los cabezaleros de los otros partíos son esos políticos polos que clama I’editorial, ¡dígalo! Y si cree que dalgunu d’estos y los sos partíos van facer dalgo estremao de lo que mande el gran capital (güei lIamáu «los mercados»), Stándar & Poor’s, el FMI, etcétera, etcétera (que, por cierto, nun se presenten a les eleiciones y son los que de verdá gobiernen) ¡dígalo!

Hai una cosa na que nun me paez acertáu I’editorial. Ye cuando diz lo de «gobiernos de la izquierda y de la derecha». Yo creo que n’Asturies siempre gobernó la derecha, llámese PP, PSOE, PSOE más IX, URAS o FAC. Que yo sepa, nengunu d’estos partíos cuestiona I’actual sistema económico-políticu del lliberalismu (que yá vemos a onde nos llevó), entós, ¿quién ye la izquierda y quién la derecha? ¿Ye abondo poner nel nome del partíu «socialista» , «obreru» ya «izquierda» pa dicir que son d’izquierdes? Non. Nun lIeí nin el programa del PSOE nin el d’IX, pero bien me prestaría saber cuántes vegaes sal la pallabra «obreru» nellos. Estos partíos nun estremen ente los presidentes de los grandes bancos nin de les sociedaes anónimes y los obreros. Los partíos falen del «interés xeneral» del interés «d’España». Pero ¿cuálu ye esi interés? ¿Tienen el mesmu conceutu d’interés xeneral los millones de paraos, los mileuristes, los que tienen un «contratu-basura», los que tres de la cabera reforma lIaboral tienen el puestu de trabayu pendiente d’un filu que’l presidente del Bancu de Santander o de Telefónica o d’Acciona?

Pa finar. Quedo plasmáu que dempués de ver a ónde nos llevaron el PP y el PSOE nos últimos cuarenta años haya paraos, mileuristes, xente que se queda ensin casa, xente que nun cobra nin siquiera’l «paro», etcétera, que-yos sigan votando. Ehi tien la contestación, señora direutora; nun hai razón dalguna pa la esperanza nún cambéu . Si a los que funden tanto’l PSOE como’l PP siguen votando por ellos ¿por qué cambiar?

Cartas

Número de cartas: 29244

Número de cartas en Octubre: 190

Tribunas

Número de tribunas: 1477

Número de tribunas en Octubre: 7

Condiciones
Enviar carta por internet

Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.

» Formulario de envío.

Enviar carta por correo convencional

Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:

Calvo Sotelo, 7, 33007 Oviedo
Buscador