Seis razones pa nun dir a la fuelga xeneral
Nun voi dir a la fuelga xeneral poles razones que van darréu:
1.ª) Nun quiero tar na mesma llinia d’unos sindicatos que solo son un esllabón más na cadena pal ablayamientu de la clas trabayadora y que viven de les perres que-yos da’l Gobiernu escontra’l que dicen lluchar.
2.ª) Una fuelga xeneral nun ye cosa d’un día, ye una cosa perseria que tien que se faer pa dalgo más que pa nun dir trabajar y andar peles cais glayando.
3.ª) La esperiencia dizme qu’una fuelga xeneral d’un día pa nada nun val. Creo que vamos pola sesta o la séptima y pa lo único que valieron les anteriores foi, tolo más pa perder menos derechos de los que’l capital quería quitanos, enxamás pa ganalos.
4.ª) Teniendo en cuenta que’l gran capital ye una amenaza y un fechu global, paezme qu’una fuelga xeneral d’un día y nun solu país, nun tien xacíu dalguna (ver lo que ta pasando en Grecia). Nun creo que nengún presidente de bancu o de gran sociedá anónima vaya ponese nerviosu’l día 29.
5.ª) Si tolo que se-yos ocurre a estos sindicatos «collaboracionistes» col poder ye facer una fuelga xeneral d’un día pa llavar la cara ¿qué razones va tener el Gobiernu pa facer unos presupuestos xenerales del estáu que nun seyan pa siguir recortando gastu social, educación, sanidá, etcétera? (Siguir mirando pa Grecia).
6.ª) Una fuelga xeneral, na dónima qu’andamos, faise dempués de muncha preparación; dempués de muncha esplicación a los trabayadores, a los paraos, a los que ¿viven? con un contratu-basura, tanto d’esti país como de la nuestra redolada, de que nun hai por qué seguir con esti sistema económicu que cada equis años llévanos, ensin que se puea facer nada escontra, a una situación como ésta: dempués de dexar claro que nun hai por qué trabayar pa que l’empresariu nun ye una ONG del emplegu, porque si fuera a ganar les mesmes perres ensin trabayadores, mandaríalos a toos a la cai. Y too esti llabor nun se fai d’un día pa otru, sobre too cuando se lleven cuarenta años faciendo tolo contrario.
Pa finar, una razón pa dir a una fuelga xeneral: la de valtiar pa siempre y mandar al basureru de la historia a esti económicu que persabemos a onde nos lleva (pero a una fuelga asina nun van llamar nin UXT nin CC OO; afáyense mui bien pa col poder y pa col capital, que son la mesma cosa).
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo